As obras de reparación do pavimento na rúa Xaquín Lorenzo estenderanse durante dúas semanas
A rúa Xaquín Lorenzo “Xocas” estará pechada ao tráfico durante dúas semanas desde mañá, xoves 12 de marzo, a causa da execución de obras de reparación do pavimento en garantía. Durante a realización dos traballos, permitirase o acceso ás persoas residentes, aínda que se anula a carga e descarga nesta vía.
Ademais destes traballos, lémbrase que tamén se están a acometer obras de pavimentación na rúa Canle, nas proximidades do Auditorio Municipal, até o límite do Concello de Ourense co do Pereiro de Aguiar.
Este proxecto conta cun orzamento de licitación de 621.357,81 euros e busca a mellora dunha vía de comunicación que ten unha especial relevancia, xa que dá acceso ao Parque de Montealegre, ao Centro de menores, a unha urbanización, e ás instalacións deportivas e ao parque acuático de Monterrei, ademais de ao parque empresarial do Pereiro.