Bota a andar o I Obradoiro de emprego compartido entre Pereiro de Aguiar, San Cibrao das Viñas e Paderne de Allariz
Esta semana inaugurouse o I Obradoiro de emprego compartido entre Pereiro de Aguiar, San Cibrao das Viñas e Paderne de Allariz, ‘Ourense Metropolitano’, que contará cun total de 20 alumnos e 4 profesores.
Os alumnos repartiranse en dous módulos, Instalación e mantemento de xardíns e zonas verdes, e Pavimentos, albanelaría e urbanismo .
O obxectivo fundamental, explicaba Luis Menor, alcalde de Pereiro de Aguiar, é a formación para favorecer a empregabilidade do alumnado nuns ámbitos con ampla demanda laboral.
As actuacións proxectadas nos 3 concellos mellorarán o espazo dos mesmos e a calidade de vida dos veciños e veciñas de Pereiro, San Cibrao e Paderne. Así, actuarase nas zonas verdes, mellorando, mantendo e favorecendo a creación de novas zonas. E do outro lado, actuarase no mobiliario urbano dos 3 concellos (bancos, marquesiñas, cubre contedores, etc.), para dotalos de condicións de servizo mellores e cunha estética homoxénea e acaída nos tempos actuais.