Cultura

O prazo pecharase o 10 de xaneiro

O Concello de Amoeiro terá aberto ata o 10 de xaneiro o prazo para participar na primeira edición do Concurso Fotográfico de Nadal.

O certame está dirixido a persoas de todas a idades que poderán presentar fotografías tomadas dentro do concello de Amoeiro e que conten con algún elemento típico do Nadal. Unha vez presentadas, as fotos estarán dispoñibles a través das redes do Concello para que todos os veciños e veciñas teñan a oportunidade de votar pola súa favorita. Os gañadores ou gañadoras, elixidos por votación popular, coñeceranse a partir do 26 de xaneiro.