Jácome cumple a súa amenaza e dá 30 días aos praceiros para desaloxar o edificio da Alameda
OurenseXa
A medida foi aprobada na Xunta de Goberno Local deste xoves e o prazo inciarase dende no momento en que os comerciantes reciban a notificación oficial do acordo
27 Nov 2025
A Xunta de Goberno Local acordou hoxe comunicar aos comerciantes da Praza de Abastos que deberán abandonar o edificio da Alameda nun prazo de 30 días. A decisión chega despois de resolver o expediente aberto sobre a situación dos postos neste inmoble provisional.
Segundo fontes do goberno municipal, o expediente conclúe que os praceiros incumpriron o prazo establecido para presentar o proxecto de traslado ao edificio rehabilitado da Praza de Abastos. O Concello tamén determina que a súa permanencia na Alameda carece de amparo ao terse producido a caducidade da autorización.
O prazo de 30 días comezará a contabilizarse no momento en que os comerciantes reciban a notificación oficial do acordo.