Actualidade | Deputación | Concello

O alcalde de Ourense asegura que a decisión débese a motivos tácticos e organizativos e cederá as competencias a outro concelleiro de DO

O alcalde de Ourense, Gonzalo Pérez Jácome, anunciou a súa decisión de abandonar a súa acta como deputado na Deputación Provincial de Ourense. Segundo explicou, esta decisión responde a motivos tácticos e organizativos para permitir que outro concelleiro de Democracia Ourensana (DO) poida dedicar máis tempo e participar activamente nos plenos da institución.

A decisión oficializouse esta mañá, aínda que o alcalde xa a anunciara previamente a través das súas redes sociais. Jácome sinala que a súa prioridade é centrarse na alcaldía e na preparación dos próximos procesos electorais previstos para 2027 e 2028, que requiren, di, toda a súa atención, o que motivou a súa renuncia como deputado provincial.