Leo Harlem, Miguel Lago e Touriñán subiranse no mes de marzo ao escenario do Auditorio Municipal de Ourense
O Auditorio Municipal de Ourense ten programados para este mes de marzo un total de seis espectáculos que inclúen monólogos, concertos e espectáculos infantís.
O artista encargado de abrir o programa será o cómico Leo Harlem, que se subirá ao escenario do Auditorio o vindeiro venres, 7 de marzo, ás 20.30 horas, co seu monólogo ‘Deja de te cuente’. Ao día seguinte, o sábado 8 de marzo, será a quenda de David Perdomo e Xosé Antonio Touriñán, que chegarán Ourense co seu espectáculo ‘Corentena. Game Over’, nunha función que dará comezo ás 21.30 horas.
O domingo, 9 de marzo, o Auditorio acollerá o espectáculo infantil ‘Un siglo de magia’. A función dará comezo ás 17.00 horas.
Pola súa conta, o 15 de marzo será a quenda de gREAT sTRAITS, un tributo que fará un repaso polas mellores canción do grupo Dire Straits. O concerto será ás 20.30 horas. O día 21 marzo, para ir pechando o programa, Miguel Lago subirase ao escenario do Auditorio Municipal de Ourense co seu espectáculo ‘Lago Comedy Club’, ás 21.00 horas.
Por último, para poñer fin á programación de marzo, o Auditorio acollerá a III Gala Solidaria Por Eles TEA.