Luis Menor recibe no Pazo Provincial á directiva da CRIXP Pataca de Galicia

O presidente da Deputación de Ourense, Luis Menor, recibiu no Pazo Provincial ao presidente e ao secretario do CRIXP Pataca de Galicia

O presidente da Deputación de Ourense, Luis Menor, recibiu no Pazo Provincial ao presidente e ao secretario do CRIXP Pataca de Galicia, José Manuel Gómez e Ricardo Losada, respectivamente, para abordar liñas de colaboración do goberno provincial cos servizos de control, apoio e comercialización que prestan aos seus asociados.

Trátase dun órgano de carácter autonómico no que o 85 % dos seus asociados, tanto os preto de 100 produtores como os 13 almacenistas e distribuidores, están ubicados na provincia de Ourense, “o que dá boa conta da importancia que ten a produción de pataca no sector agroalimentario ourensá”, destacou Luis Menor.