Nil Moliner actuará nas Festas de Ourense de 2025
As Festas de Ourense 2025 serán do día 18 ao 22 de xuño, coincidindo coa fin do curso escolar, e terán un novo emprazamento. Serán, segundo anunciou o alcalde de Ourense, Gonzalo Pérez Jácome, na zona do Pavillón dos Remedios, na rúa Pardo de Cela. As festas abandonarán así a súa localización tradicional, que foi sempre a céntrica Alameda de Ourense.
En canto ao programa, o alcalde vén de anunciar a través das súas redes sociais que o cantante, Nil Moliner, actuará na capital das Burgas o venres 20 de xuño.
Polo momento, descoñécese cal vai ser o programa completo e a localización exacta definitiva de todas actividades. O propio alcalde recoñeceu fai uns meses que a forma de facelas, como o ano pasado, de forma fragmentada, non gusta nin a usuarios nin a mercaderes. Por iso, o novo emprazamento podería poñer fin a esta problemática, ademáis de dar resposta á nova normativa de mobilidade, non se permite o uso de determinadas rúas para estes fins ao ser demasiado estreitas.