Universidade

70 alumnos e alumnas de Relacións Internacionais do Campus de Ourense da UVigo e do Campus Industrial de Ferrol xuntaranse este venres para debatir sobre temas de actualidade recollidos na axenda da ONU

Campus de Ourense

70 estudantes do Grao de Relacións Internacionais do campus de Ourense da UVigo e do Campus Industrial de Ferrol da UDC participarán este venres nunha simulación sobre o funcionamento da Organización das Nacións Unidas (ONU).

A xornada, denominada 'O Modelo de Nacións Unidas (MUN)' desenvolverase ao longo da mañá. O alumnado poñerase na pel das embaixadoras e embaixadores da ONU para tratar temas de actualidade recollidos na axenda das Nacións Unidas.

Unha actividade pioneira organizada por dúas alumnas da faculdade de Ferrol, Sofía Castrillón e Teresa Hermida, na que os mozos e mozas poderán debatir sobre a invasión de Iraq por parte dos Estados Unidos, a trata de mulleres e os refuxiados de Siria.