O alumnado do CEIP Filomena Dato de Barbadás celebrou a súa I Carreira pola Paz
OurenseXa
Os alumnos e alumnas do centro recadaron preto de 200 quilos de alimentos con esta iniciativa
Campaña de recollida de alimentos do CEIP Filomena Dato de Barbadás
31 Jan 2025
Este xoves, o o alumnado do CEIP Filomena Dato de Barbadás celebrou, con motivo do Día Escolar da Non-Violencia, a súa Carreira pola Paz. Ademais, cada un dos alumnos e alumnas do centro aportou alimentos para colaborar co Banco Solidario de Alimentos de Barbadás, unha iniciativa solidaria coa que os nenos nenas lograron reunir preto de 200 quilos de alimentos.
Os alimentos recadados foron entregados este venres nun acto no que os alumnos e profesores do centro estiveron acompañados pola concelleira de Servizos Sociais, Elisabet González.