O Centro Dramático Galego organiza unha viaxe teatral desde Allariz o 26 de xaneiro
OurenseXa
O programa de mobilidade achega 'Nada se sabe' á cidadanía
31 Dec 2024
O Centro Dramático Galego, en colaboración con CulturaActiva Producións, organiza unha experiencia única para os amantes do teatro. O vindeiro domingo, 26 de xaneiro de 2025, Allariz será punto de partida para gozar da obra "Nada se sabe".
O programa de mobilidade teatral ofrece transporte en autobús desde a Estación de Autobuses de Allariz ás 14:30 horas, para asistir á función que terá lugar ás 18:00 horas no Centro Dramático Galego. A entrada ten un prezo simbólico de 5 euros.
As persoas interesadas en participar poden reservar a súa praza a través dos números 988440859 e 607592016, ou escribindo ao correo cultura@allariz.gal.