O circuíto de carreiras populares “Correndo por Ourense” comezará o 27 de abril
O concelleiro de Deportes, Aníbal Pereira, presentou esta mañá unha nova edición do circuíto de carreiras Correndo por Ourense, organizada polo Consello Municipal de Deportes do Concello de Ourense, que fai este ano 13 edicións. Na presentación estivo acompañado dos colaboradores na organización, o xerente do Consello Municipal de Deportes e o representante da Federación Galega de Atletismo, Eladio Rosales.
O domingo, 27 de abril, será a primeira das carreiras, que percorrerá as rúas do barrio do Vinteún. A seguinte cita será no barrio do Couto, o 24 de maio. De seguido terá lugar a carreira Ourense Centro, o 7 de xuño e, o 29 de xuño, o Trail Oira - San Tomé. Seguirán o circuíto a de Mariñamansa, o 7 de setembro, a da Ponte o 19 de outubro e, para rematar, a da Carballeira.