Deportes | Concello

O curso comezará no mes de outubro e as clases serán os martes e xoves ata xuño de 2026

O Concello de Paderne de Allariz informa que xa están abertas as inscricións para as clases de ximnasia de mantemento e pilates, que se impartirán dende outubro de 2025 ata xuño de 2026.

As sesións de ximnasia de mantemento desenvolveranse os martes e xoves de 19:00 a 20:00 horas, mentres que as clases de pilates serán de 20:00 a 21:00 horas.

As prazas son limitadas e a asignación farase por orde de inscrición. As persoas interesadas poden formalizar a súa matrícula a través da páxina web do Concello ou contactando co teléfono 988 293 000.

Estas actividades buscan fomentar a actividade física e o benestar entre os veciños, mantendo unha opción regular de exercicio adaptada a todos os niveis.