Cultura

A cita contará coa participación dos músicos Emilio Rúa, José Luis Troitiña e Alvaro Sieiro, que poñerán música a algúns dos poemas dos autores galegos máis recoñecidos

Liceo de Ourense

O Liceo de Ourense organiza para o vindieiro mércores, 15 de maio, ás 20.30 horas, o proxecto cultural 'Concerto de exaltación ás nosas Letras'.

Este ciclo de concertos, no que participarán os músicos Emilio Rúa, José Luis Troitiña e o pianista Alvaro Sieiro, pretende reivindicar e por en valor a nosa lingua, a nosa literatura, o noso patrimonio cultural. Os atistas poñerán música a algúns dos poemas dos autores galegos máis recoñecidos, como Celso Emilio Ferreiro, Curros Enríquez ou Rosalía De Castro.

O proxecto conta co apoio do programa REDE da Secretaría Xeral de Política Lingüistica e enmárcase dentro do ciclo de actividades para conmemorar o Día das Letras Galegas, que este 2024 está adicado á poeta coruñesa Luisa Villalta.