O local social da Agrupación Miño acolleu unha xornada sobre saúde
O local social da Agrupación Miño que integra a máis de 20 asociacións veciñais do rural e periferia acolleu unha xornada sobre saúde impartida por Cristina Carballeira e Xisela Delgado, traballadora social e terapeuta ocupacional da Área Sanitaria de Ourense, Verín e O Barco de Valdeorras, respectivamente.
A charla forma parte do programa da Rede Galega de Promoción da Saúde, un grupo de traballo do Servizo de Estilos de Vida Saudables que nace a partir do Plan de Obesidade Zero, elaborado pola Dirección Xeral de Saúde Pública. Este proxecto ten como obxectivo coordinar, potenciar e difundir os diferentes recursos, actividades e propostas relacionadas coa promoción dá saúde (actividade física, alimentación saudable, hixiene do sono e benestar emocional) a nivel comunitario , facendo partícipes a todos os axentes implicados como elementos fundamentais de redes comunitarias.
Na xornada celebrada no local da Agrupación Miño, presentouse a plataforma Sanidade Mediaverso, onde se poden atopar diversas ferramentas para fomentar hábitos saudables a través da aplicación “En Movemento” que se desenvolve con lentes de realidade virtual.