Sociedade

Tres sesións mensuais para nenos e nenas de 2 a 6 anos combinan contos, música e danza para gozar en familia

O Concello de Allariz organiza o obradoiro "Contos, Música e Danza", unha actividade pensada para as familias con nenos e nenas de entre 2 e 6 anos. O obradoiro terá lugar un sábado ao mes, con datas previstas para o 11 de xaneiro, 15 de febreiro e 15 de marzo, no Fogar dos Maiores de Allariz.

Cada xornada contará con dous horarios: de 11:00 a 12:00 e de 12:00 a 13:00, permitindo maior flexibilidade para as familias. O obradoiro será impartido por Getse Valenzuela e combinará narracións, música e danza, creando un espazo onde a creatividade e a diversión se dan a man.

As inscricións están abertas e pódense realizar chamando aos teléfonos 988 55 40 59 ou 683 61 46 91, ou enviando un correo electrónico a fogardosmaiores@allariz.gal.