O Ouren Sound Fest presenta os horarios para a súa edición de 2025
O Ouren Sound Fest 2025, que festexará o seu décimo aniversario entre o 22 e o 25 de maio no complexo Deportivo de Monterrei, en Pereiro de Aguiar, vén de anunciar os horarios para esta nova edición.
O festival arrancará o xoves, 22 de maio, con dous concertos gratuítos na Praza da Igrexa de Pereiro de Aguiar. As artistas Helena e HYDN actuarán ás 19.45 e ás 20.45 horas respectivamente.
O venres, 23 de maio, o festival abrirá as súas portas ás 18.30 horas e comezarán as actuacións de A Duendeneta, Gargantúa, Siloé, Dani Frnández, Sexy Zebras e Carlos Crespo & Kris K DJs, entr as 18.40 e as 3.15 horas.
O sábado será a quenda de Martin Bruhn DJ, Guadi Galego, Xoel López, Viva Suecia, Ultraligera e Hoonine. O recinto abrirá ás 17.00 horas e ás 17.30 será o primeiro concerto.
Por último, o domingo, para pechar esta edición, haberá un concerto gratuíto na Praza da Igrexa de Pereiro de Aguiar da man de Pakolas Ramona Orbita, entre as 12.30 e as 13.30 horas.