Os hospitais ourensán conmemorarán o 8M con actividades dirixidas aos centros educativos
Con motivo da conmemoración do 8 de Marzo, os tres hospitais públicos de Ourense acollerán sendas mesas redondas dirixidas aos rapaces e rapazas de distintos centros educativos, na procura dar a coñecer os diferentes papeis profesionais da muller na sanidade pública e en concreto nos nosos hospitais.
Na organización desta actividade participa activamente o servizo de Humanización e Atención ao Paciente que contou co apoio e implicación da comunidade de profesionais. Os actos nos hospitais de Valdeorras e Verín serán este xoves, 6 de marzo, mentres que en Ourense os actos terán lugar o venres, 7 de marzo.
Así, no CHUO, arrancará ás 12.00 horas no salón de docencia Cabaleiro Goás, un acto titulado “8M. Mulleres da sanidade: exemplos que inspiran”, que estará presentado por Inés Garrido, directora de Recursos Humanos, e que contará coa participación de oito mulleres procedentes de diferentes ámbitos profesionais.