Os traballadores do Concello de Ourense irán á folga os días 31 de outubro e 4 de novembro
Os traballadores do Concello de Ourense irán á folga os días 31 de outubro e 4 de novembro, unha decisión que foi tomada por unanimidade pola Asemblea de Traballadores do Concello de Ourense e que estará apoiada polos tres grupos da oposición, PP, PSOE e BNG.
Ademais, os paros parciais e as mobilizacións fronte á Subdelegación do Goberno e fronte á Casa do Concello continuarán ao longo de todo o mes de novembro, os xoves e os mércores, respectivamente.
Os motivos que levan aos traballadores e traballadoras do Concello a tomar esta decisión son, fundamentalmente, os “desprezos do alcalde, Gonzalo Pérez Jácome, polo plan de estabilización e o seu proceder continuo respecto á política de persoal dos últimos 5 anos”.
Os traballadores do Concello veñen tempo denunciando tratos discriminatorios e denuncias de acoso por parte do alcalde, como foi o caso do interventor, a quen o Xulgado do Social número 1 de Ourense deu a razón, obrigando ao concello a indemnizalo e a reincorporalo ao seu posto, ou o sonado caso da tesoureira municipal, a quen Jácome cesaba do seu cargo por ser “demasiado tiquismiquis”.
Sen embargo, os traballadores denuncian que estes non serían casos illados, senón que o propio rexedor, a través das súas redes sociais e durante as sesións plenarias, acusou en reiteradas ocasión aos funcionarios municipais de non estar cualificados para facer o seu traballo e de ser uns “enchufados”.