Sociedade

A inscrición está aberta até o 16 de xaneiro para persoas maiores de 18 anos no Centro de Información Municipal ás Mulleres (CIMM)

A Concellería de Igualdade do Concello de Ourense presenta a nova edición do Proxecto Convívere, que contará con 10 obradoiros que se desenvolverán entre xaneiro e maio no Centro de Información Municipal ás Mulleres (CIMM). A iniciativa, que busca promover unha sociedade máis igualitaria e o coidado da diversidade, está aberta á inscrición de todas as persoas interesadas até o 16 de xaneiro. As inscricións poden realizarse presencialmente na Concellería de Igualdade, por teléfono ou por correo electrónico.

Bajo o lema "Coexisten os obxectos, as persoas conviven!", os obradoiros ofrecerán un espazo para reflexionar sobre o feito de sermos humanos, abordando temas de igualdade, coidado e identidade. As actividades, dirixidas a maiores de 18 anos, desenvolveranse quincenalmente en horarios de 17:00 a 20:00h, e estarán organizadas por temáticas mensuais, algúns dos cales serán exclusivos para mulleres e outros mixtos.

As temáticas dos obradoiros son as seguintes:

• Xaneiro e as mulleres (Mulleres):
  • 22 de xaneiro: Pensar(nos) mulleres (Ana Pérez Cardoso)
  • 29 de xaneiro: Sendo mulleres (Beatriz Fernández)
• Febreiro e o amor (Mixto):
  • 19 de febreiro: Pensar o amor (Ana Pérez Cardoso)
  • 26 de febreiro: Somos o que contamos que somos (Getse Valenzuela)
• Marzo e o corpo (Mixto):
  • 19 de marzo: Pensar os corpos (Ana Pérez Cardoso)
  • 26 de marzo: Corpos que habitamos (Nuria Sotelo)
• Abril e as sexualidades (Mulleres):
  • 23 de abril: Pensar a sexualidade (Ana Pérez Cardoso)
  • 30 de abril: Vivindo a nosa sexualidade (Berta Vega Villaamil)
• Maio e os desexos (Mixto):
  • 21 de maio: Pensar os desexos (Ana Pérez Cardoso)
  • 28 de maio: Vivir desde os desexos (Mar Márquez)

O proxecto está deseñado para fomentar a reflexión e a participación activa na creación de espazos de igualdade e benestar colectivo, traballando na construción dunha sociedade máis xusta e equitativa. As persoas interesadas poden inscribirse ao proxecto completo ou por meses soltos.