Paderne de Allariz recibe aos Reis Magos o 6 de xaneiro no Pavillón
OurenseXa
A partir das 17:00, espectáculo circense, chocolate e música para celebrar o Día de Reis
31 Dec 2024
O Concello de Paderne de Allariz celebrará a chegada dos Reis Magos cunha xornada chea de maxia e ilusión o próximo 6 de xaneiro. O evento terá lugar no Pavillón Polideportivo, a partir das 17:00 horas, e está pensado para ofrecer entretemento a toda a familia.
A programación inclúe un espectacular número circense que deixará abraiados a pequenos e maiores. Para completar a celebración, haberá chocolate quente para endulzar a tarde e música en directo para crear un ambiente festivo e acolledor.
Desde o Concello, animan a todos os veciños e veciñas a participar desta ocasión especial, que reforza as tradicións locais e brinda unha oportunidade para compartir momentos inesquecibles.