Axenda

Estará recibindo aos nenos e nenas no Centro de Maiores dos Gozos a partir das 16.00 horas

Papá Noel visitará hoxe, luns 23 de decembro, aos nenos e nenas do Concello de Pereiro de Aguiar, que serán recibidos entre as 16.00 e as 18.15 no Centro de Maiores dos Gozos.

Ademais, para completar a xornada, tras a marcha de Papá Noel os nenos e nenas poderán gozar da función ‘O Apalpador e as palabras máxicas’, no Salón Multiusos do centro.

As actividades de Nadal nos Gozos continuarán o día 29 de decembro coa representación teatral ‘Na Corredoira’, ás 19.00 horas. Xa en xaneiro, o día 3 terá lugar a representación teatral ‘Os Misterios de Aloia’, e o 5 de xaneiro o Centro de Maiores dos Gozos recibirá a visita dos Reis Magos.