Pereiro de Aguiar impulsa o “Plan Reactiva 2026” para apoiar deportistas e familias numerosas
O Concello de Pereiro de Aguiar continúa reforzando o seu compromiso co talento local e o benestar das familias a través do programa Reactiva Pereiro 2026. Esta iniciativa inclúe novas liñas de axudas económicas directas destinadas a recoñecer o esforzo dos deportistas e apoiar ás familias numerosas do municipio.
Dentro destas medidas, destacanse as Axudas a Deportistas Individuais 2026, cunha convocatoria aberta ata o 16 de febreiro de 2026. Este programa está dirixido a deportistas, tanto menores como maiores de 18 anos, empadroados no Pereiro con unha antigüidade mínima dun ano.
Para optar ás axudas, os solicitantes deben contar cunha licencia federativa en vigor e acreditar méritos deportivos relevantes, como acadar podio en campionatos provinciais, estar entre os 10 primeiros no galego ou entre os 15 primeiros no nacional, entre outros recoñecementos. O importe máximo da axuda chega ata os 200 euros por deportista.
As solicitudes poden tramitarse no Rexistro Xeral do Concello ou de forma cómoda e rápida a través da Sede Electrónica na páxina web do Concello.
Ademais, ao abeiro deste programa, xestináronse desde o pasado outubro as axudas para familias numerosas, que polo de agora beneficiaron cunha achega de 200 euros a un total de 12 familias.