Pereiro de Aguiar presenta o programa de actividades de Nadal

O Concello de Pereiro de Aguiar vén de presentar o programa de Nadal para este 2024, que incluirá máis dunha decena de actividades dirixidas ao público de todas as idades.

O programa arrancará o 17 de decembro cun Obradoiro de Nadal na Biblioteca, dirixido a nenos e nenas de entre 5 e 8 anos, e continuará o 19 de decembro con outro obradoiro dirixido a maiores de 8 anos.

O 23 de decembro, o Centro de Maiores dos Gozos recibirá a visita de Papá Noel e xornada completarase coa actividade ‘O Apalpador e as palabras máxicas’. O 29 de decembro, no Salón Multiusos dos Gozos, terá lugar a representación teatral ‘Na Corredoira’, ás 19.00 horas.

Xa en xaneiro, o día 3 terá lugar a representación teatral ‘Os Misterios de Aloia’, e o 5 de xaneiro o Centro de Maiores dos Gozos recibirá a visita dos Reis Magos.

Ademais, o Concello propón para este ano un concurso de tarxetas de Nadal, un concurso de adornos e outro de vídeos.