Peter Punk Pallaso chegará este mércores a Baños de Molgas
OurenseXa
Peter Punk é un dos pallasos máis programados e destacados en Galicia, con máis de 1.000 funcións ás súas costas
![Peter Punk Pallaso](https://ourensexa.com/wp-content/uploads/2024/07/Peter-Punk-Pallaso.png)
30 Xul 2024
Baños de Molgas acollerá este mércores, 31 de xullo, a actuación de Peter Punk Pallaso co seu espectáculo 'Chungo que te cagas'. A cita terá lugar ás 20.00 horas no Parque Ansuiña.
Peter Punk é un dos pallasos máis programados e destacados en Galicia. Conta con máis de 1.000 funcións ás súas costas en diversos países, programacións e espazos. Os seus espectáculos gozan dunha grande acollida por parte do público cativo e adulto.
A compañía Peter Punk Pallaso nace arredor de 2003 có espectáculo unipersoal 'Chungo que te cagas', que perfilará o seu humor fresco, irreverente e orixinal.