Sarín Núñez, reelixido como responsable do BNG na comarca Ourense-Carballiño
Sarín Núñez foi reelixido como responsábel comarcal na asemblea realizada este xoves. No novo Consello Comarcal están presentes mulleres e homes dos concellos que conforman a comarca política Ourense-Carballiño, entre os que cabe destacar a integración do alcalde de Montederramo e dos concelleiros e concelleiras de Coles, Esgos e O Carballiño.
O Consello Comarcal está composto por 13 representantes da comarca (máis 7 suplentes), 1 representante de Galiza Nova e os 7 responsables locais dos concellos que están constituídos en Asemblea Local (Ourense, O Carballiño, Barbadás, O Pereiro de Aguiar, Coles, Amoeiro e Vilamarín).
O responsable comarcal expresou a súa “ilusión e gañas por aproveitar este bo momento, para fortalecer esta organización e asentala con firmeza en todo o territorio da nosa comarca”. Con esta elección, dáse por rematada a XVIII Asemblea Nacional do BNG.