Actualidade | Asociacións

Este ano haberá dúas comparsas e poderán participar tanto nenos como adultos

A Asociación Amigos do Patrimonio de Toén ten aberto o prazo para formar parte das comparsas do Entroido de 2025. A asociación informa que este ano contarán cun total de dúas de comparsas nas que haberá cabida para nenos e adultos. Será o sábado, 8 de marzo, máis coñecido como Sábado de Piñata.

As persoas interesadas en participar poderán facelo ata o vindeiro martes, 28 de xaneiro, a través de WhatsApp no teléfono 621 396 855.

A temática estará relacionada coa Asociación, sinalan os organizadores, xa que a intención é recadar fondos para poder seguir mantendo a súa actividade.