A Asociación Cultural O Sobradelo do Tarangaño organiza o II Concurso de Mecos e Farrumecos
OurenseXa
O prazo para presentarse estará aberto ata o 6 de febreiro
7 Jan 2025
A Asociación Cultural o Sobradelo do Tarangaño, en colaboración co Concello de Xunqueira de Ambía, organizan o II Concurso de Mecos e Farrumecos para dar a benvida ao entroido de forma anticipada.
O prazo para presentarse estará aberto ata o 6 de febreiro, e as persoas interesadas poderán participar nas dúas modalidades deste certame. Por un lado, haberá un concurso de Mecos, para o poderán realizarse tanto mecos e mecas como se queiran, que deberán colocarse nalgún dos puntos polos que pasen os Farrumecos (Sobradelo, Busteliño e Xunqueira). Por outra banda, haberá tamén un concurso de Mini Farrumecos, para o que deberán elaborarse un máximo de dúas figuras cunha altura que non poderá superar os 50 centímetros.