Sociedade

O público terá a oportunidade de achegarse á súa obra 'Ítaca', finalista do Premio Xerais

A Biblioteca Pública F. Carballo de Maceda acollerá este xoves 4 de xuño ás 18:00 horas un encontro con María Besteiros, no que a autora falará do seu libro Ítaca, finalista do Premio Xerais.

Durante a actividade, o público asistente terá a oportunidade de achegarse á obra e coñecer de primeira man aspectos do seu proceso de creación, así como de compartir impresións coa autora nun formato aberto ao diálogo.

O encontro está pensado como un espazo de intercambio arredor da lectura, no que os participantes poderán afondar no contido do libro e na experiencia literaria que propón a súa autora.