A Deputación de Ourense achega 201.000 euros para a cooperación con entidades e municipios
OurenseXa
O X Festival Hércules Brass de Celanova, o Club Voleibol Ourense e a Escola de Fútbol Feminino Rosalía percibirán 29.000 euros para axudar nos seus gastos de funcionamento
Xunta de Goberno da Deputación de Ourense
21 Out 2024
A sesión ordinaria semanal da Xunta de Goberno da Deputación vén de aprobar a mobilización dun total de 201.000 euros que serán destinados a cooperar con entidades culturais e deportivas da provincia, así como con municipios.
Así, os fondos destinados ás entidades son 29.000 euros, que serán destinados á Asociación Cultural Xingros para a organización do X Festival Hércules Brass de Celanova, así como aos gastos de funcionamento do Club Voleibol Ourense e da Escola de Fútbol Feminino Rosalía.
No que atinxe á cooperación cos municipios, destinaranse 172.000 euros cofinanciamento de proxectos, mellora de viais, remodelación de espazos públicos e a posta en marcha de novas dotacións como un Museo de Arte Sacro.