A Escola de Música Tradicional Nova Fronteira ofrece este venres un concerto en Barbadás
O programa cultural EmularT continúa este venres, 10 de xullo, cun concerto da Escola de Música Tradicional Nova Fronteira. A actuación celebrarase ás 20.00 horas no Parque do Fidalguiño, en Sobrado do Bispo.
O espectáculo reunirá sobre o escenario a distintas formacións da escola, entre elas o Grupo de Gaitas e Percusión Nova Fronteira, a Sección de Vento Metal, a Sección de Corda, o Grupo de Gaitas e Percusión Infantil, o Grupo de Panderetas Cantagalos, o Grupo Infantil de Panderetas Cantapoliños e o Grupo de Baile Tradicional Abesouros.
A cita permitirá amosar o traballo desenvolvido polo alumnado e as diferentes agrupacións da escola nunha proposta centrada na música e no baile tradicional galego, dentro da programación estival de EmularT.