Sociedade

A unidade estará no aparcamento do Velorio do Pinto e será necesario solicitar cita previa para realizar a inspección

A Inspección Técnica de Vehículos (ITV) para vehículos agrícolas desprazarase a O Pinto os vindeiros días 4 e 7 de setembro, co obxectivo de facilitar a realización das revisións aos vehículos deste tipo.

A unidade móbil estará instalada no aparcamento do Velorio do Pinto e atenderá o venres 4 de setembro, entre as 9.00 e as 13.30 horas.

O luns 7 de setembro, o horario será de 9.00 a 13.00 horas e de 15.15 a 18.00 horas.

Para acudir á inspección será necesario solicitar cita previa. As persoas interesadas poderán facelo a través do teléfono 981 92 80 80 ou da páxina web de SyC ITV.