A regatista ourensá Támara Echegoyen despídese dos Xogos Olímpicos de París 2024
A regatista ourensá, Támara Echegoyen, abanderada de España nas Olimpíadas de París 2024, despediuse este mércores dos xogos de 2024 tras acabar decimoterceira en 49er FX xunto á súa compañeira, Paula Barceló.
Echegoyen pecha con este resultado a súa traxectoria olímpico, xa que a regatista xa advertira de que os de París serían os seus cuartos e derradeiros Xogos Olímpicos. Cunha brillante traxectoria deportiva, a regatista foi campiona olímpica nos Xogos de Londres 2012, na categoría Elliott 6m, xunto ás regatistas Ángela Pumariega e Sofía Toro. En 2016, obtivo a cuarta posición nos Xogos Olímpicos de Río de Janeiro, ao igual que o fixo en Tokio 2020. Ademais, entre os anos 2016 e 2022, a regatista gañou tres medallas no Campionato Mundial de 49er, e conseguiu un ouro no Campionato Mundial de Match Race de 2013 e outro no Campionato Europeo de Elliott 6m de 2011.