A XXX Festa do Emigrante e a XX Festa do Arroz con Leite chegan esta semana Esgos
O Concello de Esgos celebrará o vindeiro xoves 20 de agosto a XXX edición da Festa do Emigrante, unha cita que cada ano rende homenaxe ás persoas da localidade que tiveron que abandonar as súas terras na procura dun futuro máis prometedor.
A celebración terá lugar na Praza da Souteira a partir das 20.00 horas e, ademais de homenaxear aos emigrantes, servirá para dar inicio aos festexos de San Vitores.
Os tíckets poderán adquirirse o propio día da festa na Praza da Souteira, a partir das 19.00 horas. O prezo será de 5 euros e cada tícket dará dereito a unha bolsa con viño, gasosa, pan e auga para catro persoas.
A xornada rematará coa degustación gratuíta de arroz con leite, que este ano alcanza a súa XX edición e que volverá poñer o punto doce á celebración.
Deste xeito, Esgos manterá unha cita que combina a homenaxe á emigración coa gastronomía e a convivencia veciñal, no marco do inicio das festas de San Vitores.