Educación

O proceso de inscrición realizarase de forma presencial no IES Celso Emilio Ferreiro de Celanova os días 16, 22 e 26 de xuño

A Escola Oficial de Idiomas de Ourense abriu o prazo de matrícula para a súa sección de Celanova, unha convocatoria dirixida a persoas interesadas en iniciar estudos de idiomas ou mellorar o seu nivel.

O proceso de inscrición realizarase de forma presencial no IES Celso Emilio Ferreiro de Celanova os días 16, 22 e 26 de xuño, en horario de 16:00 a 19:00 horas.

Desde o centro anímase á participación destacando a importancia da formación en linguas estranxeiras como ferramenta para ampliar oportunidades persoais e profesionais, así como para favorecer o contacto entre culturas.

A oferta formativa da Escola Oficial de Idiomas inclúe diferentes niveis de aprendizaxe, adaptados ás necesidades do alumnado.