Aberto o prazo de inscrición para o servizo de madrugadores do CEIP Padre Feijóo de Allariz
O Concello de Allariz vén de abrir o período de inscrición para o servizo de madrugadores, unha iniciativa dirixida a facilitar a conciliación das familias do municipio.
O programa está destinado ao alumnado de Educación Infantil e Primaria do CEIP Padre Feijóo e contará con 60 prazas dispoñibles. O servizo desenvolverase en horario de mañá, entre as 07:30 e as 09:15 horas, antes do inicio da xornada lectiva.
As solicitudes poderán presentarse ata o 30 de xuño de maneira telemática, mediante a Sede Electrónica do Concello de Allariz, ou de forma presencial nos Servizos Sociais, situados no Fogar dos Maiores. A listaxe provisional de persoas admitidas publicarase o 10 de xullo.
O programa establece diferentes modalidades de participación, cun sistema de prezos adaptado á renda no caso de usuarios habituais, e opcións para usuarios ocasionais cun custo fixo de 3 ou 4 euros, segundo inclúan ou non almorzo.