Aberto o prazo de solicitudes para o Programa de Envellecemento Activo do Concello de Ourense
OurenseXa
Para este ano, o Concello ofrecerá clases de ximnasia, informática, natación, manualidades, memoria, teatro, pilates, Tai Chi, ioga, estimulación cognitiva e benestar, entre outras actividades
Concello de Ourense
16 Out 2024
Concello de Ourense vén de publicar as bases do Programa de Envellecemento Activo, unha iniciativa destinada a persoas de 60 anos ou máis empadroadas no Concello de Ourense.
Para este ano, o Concello ofrecerá clases de ximnasia, informática, natación, manualidades, memoria, teatro, pilates, Tai Chi, ioga, estimulación cognitiva e benestar, entre outras actividades.
Os solicitantes deberán estar empadroados no Concello de Ourense e ter os 60 anos cumpridos no momento da publicación das normas de inscrición. Ademais, só estará permitido facer unha solicitude por persoa e nun máximo de tres actividades.
Os interesados poden anotarse a través da páxina web do Concello de Ourense ou chamando aos teléfonos 988 393 107 ou 988 388 171.