Aberto o prazo para elixir aos gañadores do I Concurso Fotográfico de Nadal de Amoeiro
O Concello de Amoeiro organizou este ano por primeira vez un Concurso Fotográfico de Nadal. Unha vez recibidas as fotografías participantes, ábrese o prazo para votar ao gañador ou gañadora deste concurso, que elixirase por votación popular entre todas as que aparecen no do Facebook oficial do Concello de Amoeiro.
As persoas poderán votar interactuando con cada fotografía. Cada interacción positiva de Facebook (“me gusta”, “me encanta”, “me divierte”, “me importa”, e “me asombra”) contará como un punto a favor. As interaccións negativas, se as houbera, non restarán os puntos acadados.
O prazo de votación estará aberto ata as 19.00 horas do 26 de xaneiro, cando serán elixidos os traballos gañadores.
Haberá tres premios para as tres fotografías máis votadas: un primeiro premio que consistirá nunha estancia dunha noite para dúas persoas no Pazo de San Damián, un segundo premio que consistirá nun lote de viño da adega “Terras Mancas”, e un terceiro premio que consistirá nun lote de mel de “A Melería de Trasalba”