Actualidade

Mobilizaranse varios vehículos dotados cos correspondentes equipos para esparexer fundentes debido ás fortes xeadas que afectarán especialmente ao sur da provincia

Debido aos prognósticos das axencias meteorolóxicas por avisos de temperaturas mínimas e posibles xeadas para esta madrugada, e co fin de garantir a seguridade viaria durante este venres, 20 de decembro, o Plan de Viabilidade Invernal da Deputación de Ourense mobilizará varios vehículos dotados cos correspondentes equipos para esparexer fundentes.

Estes vehículos traballarán espallando sal ante a posible aparición de placas de xeo nas estradas provincias da zona sur da provincia.

Desde a Deputación de Ourense pregan aos condutores máxima precaución en calquera estrada pola súa propia seguridade e dos demais condutores, debido á situación meteorolóxica que está a vivir parte da provincia.