Amoeiro acollerá a IV Feira de Antigüidades e Artesanía os días 30 e 31 de maio
Amoeiro celebrará os vindeiros días 30 e 31 de maio a cuarta edición da Feira de Antigüidades e Artesanía, un evento de carácter cultural e comercial que se desenvolverá no Pavillón de Deportes.
A feira abrirá o sábado en horario de 17:00 a 21:00 horas, mentres que o domingo poderá visitarse en dúas franxas: de 10:00 a 14:00 e de 17:00 a 21:00 horas. O acceso ao recinto será totalmente gratuíto.
Entre as actividades previstas, destaca a tradicional poxa, que terá lugar o domingo ás 18:00 horas e que se consolida como un dos momentos centrais do encontro.
Ademais, a feira contará cun posto solidario xestionado pola Cruz Vermella, sumando así un compoñente social á programación do evento.
A cita combina exposición, venda e promoción de produtos artesanais e antigüidades, e busca consolidarse como un espazo de encontro para veciñanza e visitantes.