Aprobado o expediente para contratar o servizo de transporte público colectivo urbano de Ourense
A Xunta de Goberno do Concello de Ourense aprobou os pregos de cláusulas administrativas e técnicas da licitación, cun orzamento total de 52.533.835 euros
A Xunta de Goberno Local do Concello de Ourense aprobou este luns en sesión extraordinaria e urxente o expediente para contratar o servizo de transporte público colectivo urbano de Ourense para o período 2026 – 2031.
No acordo, aproba os pregos de cláusulas administrativas e técnicas da licitación, cun orzamento total de 52.533.835 euros, IVE engadido para os 5 anos. A Xunta Local dispón tamén a apertura do procedemento de adxudicación do contrato, mediante procedemento aberto.
O novo prego recolle as modificacións suxeridas na resolución do Tribunal Administrativo de Contratación Pública de Galicia (Tacgal) en relación a esta licitación.