Baños de Molgas abre unha nova convocatoria do Bono Taxi Social para facilitar desprazamentos
OurenseXa
A axuda pode alcanzar ata os 100 euros e está destinada a apoiar os traslados a citas médicas e aos obradoiros de dinamización organizados polo propio Concello
18 Apr 2026
O Concello de Baños de Molgas vén de abrir unha nova convocatoria do Bono Taxi Social, unha medida incluída nas políticas sociais municipais coa que se pretende facilitar os desprazamentos da veciñanza a diferentes servizos.
Esta axuda pode alcanzar ata os 100 euros e está destinada a apoiar os traslados a citas médicas e aos obradoiros de dinamización organizados polo propio Concello. O prazo para presentar solicitudes estará aberto ata o 30 de abril de 2026 e as peticións poden tramitarse tanto nas dependencias municipais como a través da sede electrónica.
Con esta iniciativa, o goberno local busca mellorar a calidade de vida da veciñanza e garantir a igualdade no acceso aos servizos básicos.