Sociedade

Será o próximo 27 de febreiro e será necesario inscribirse previamente

A Concellería de Promoción Económica e Formación de Barbadás organiza un curso de manipulación de alimentos que se impartirá o próximo 27 de febreiro. A formación terá lugar no Centro Empresarial Transfronteirizo (CET) en horario de 10:00 a 14:00 horas.

As persoas interesadas poden inscribirse enviando un correo electrónico a cet@barbadas.es ou chamando ao teléfono 988 360 413. As prazas son limitadas, polo que se recomenda realizar a inscrición canto antes.

Este curso está dirixido ás persoas que necesitan obter ou renovar o seu carnet de manipulador de alimentos para cumprir coa normativa vixente.