Deportes

Mara, Hannah, Irea e Damián, do Club Baloncesto Allariz, participaron a pasada semana neste importante campionato

Representantes do CB Allariz no Campionato de España de Baloncesto

O pasado xoves, 2 de xaneiro Mara, Hannah, Irea e Damián, xogadoras e xogador do Club Baloncesto Allariz, partiron cara Huelva para competir coas seleccións autonómicas no Campionato de España de Baloncesto.

Esta experiencia única permitiulles representar a Galicia e gozar do baloncesto ao máis alto nivel. Un orgullo para o club e a vila de Allariz, que apoian aos deportistas nesta nova etapa, na que colleitaron grandes éxitos, quedando Damián co 7º posto coa selección Cadete Masculina, Irea e Hannah co 11º posto coa selección Cadete Feminina e Mara acadou co 10º posto coa selección Infantil Feminina.

Desde o CB Allariz e desde o Concello destacan o esforzo e dedicación do equipo neste campionato.