O Concello de Cartelle organiza un obradoiro de cosmética natural no mes de xuño
OurenseXa
Os participantes aprenderán a elaborar produtos de coidado persoal con ingredientes naturais e sostibles
25 May 2026
Cartelle acollerá un obradoiro de cosmética natural dirixido a persoas interesadas en aprender técnicas de coidado persoal baseadas en produtos respectuosos coa pel e co medio ambiente.
A iniciativa desenvolverase en dúas sesións, os días 2 e 9 de xuño de 2026, en horario de 16.30 a 19.00 horas, na Gardería de Outomuro, no municipio de Cartelle.
Durante o curso, as persoas participantes aprenderán a elaborar distintos produtos de cosmética empregando ingredientes naturais, cun enfoque centrado na sustentabilidade e no coidado persoal.
As inscricións poden realizarse a través do Concello de Cartelle no teléfono 988 491 111.