Celanova celebrará a segunda edición de “The Rain Experience” cunha xornada de festa, auga e música
Celanova acollerá o vindeiro venres 24 de xullo a segunda edición de “The Rain Experience II”, unha cita que combinará festa da auga, música, sorteos e diferentes propostas de lecer ao longo da xornada.
O evento desenvolverase desde as 16.30 horas ata as 04.00 horas e repartirá a súa programación por varios espazos da vila: a explanada das Triguerizas, a Alameda, a Praza Cervantes e a Praza Maior.
A programación dará comezo ás 16.30 horas coa celebración do Water Fest con DJ BraisFdez na explanada das Triguerizas, nunha primeira parte da xornada centrada na festa da auga.
Ás 19.00 horas a actividade trasladarase á Alameda coa actuación de Os Xustos, que será a seguinte proposta musical do evento. Posteriormente, ás 21.00 horas, a Praza Cervantes acollerá o concerto de Tsunami Rock.
O peche da programación chegará na Praza Maior cun evento final que se desenvolverá desde as 00.00 ata as 04.00 horas e que contará cun DJ Set a cargo de Paulo Seoane, Diego Rivera e Imcodee.
“The Rain Experience II” presenta así unha xornada que combinará música en directo, sesións de DJs, actividades acuáticas e diferentes propostas de entretemento para o público durante toda a tarde e a noite.