Chega a Amoeiro a ‘I Feira de Antigüidades Retro Vintage’
OurenseXa
Terá lugar desde hoxe ata o domingo no Pavillón de Deportes

6 Dec 2024
O Concello de Amoeiro, dentro da súa programación de Nadal, organiza por primeira vez unha Feira de Antigüidades Retro Vintage, que poderá visitarse desde este venres, 6 de decembro, ata domingo, o 8 de decembro.
A entrada será totalmente gratuíta e, ademais, haberá postos con produtos de proximidade e artesanía local do concello de Amoeiro.
A Feira estará aberta toda a fin de semana en horario de mañá, entre as 10.00 e as 14.00 horas, e de tarde, entre as 17.00 e as 21.00 horas.