Sociedade

Será este sábado e domingo no Auditorio Municipal Ilduara

Celanova acollerá a Xuntanza de Bandas 2026 esta fin de semana no Auditorio Municipal Ilduara, cun programa que reunirá diferentes agrupacións musicais locais e convidadas.

As actuacións celebraranse ambos días ás 18:30 horas e contarán coa participación de formacións de Celanova xunto coa banda invitada procedente de Moaña.

O sábado 23 está prevista a participación da Banda de Música Popular Airiños do Morrazo, que compartirá escenario coa Banda de Música Municipal de Celanova.

Xa o domingo 24 será a quenda doutras agrupacións locais, entre elas a Bandila da EMBC, a Celanova Brass e a Banda Infantil e Xuvenil de Celanova.