'Coles ao Vivo' regresa en maio con cinco concertos
Coles converterase este mes de maio nun punto de encontro para a música en vivo coa celebración de dous concertos no auditorio municipal, con entrada libre e propostas de grupos vinculados ao concello.
A programación arrancará o 9 de maio a partir das 20:00 horas, cunha primeira xornada na que actuarán os grupos Faylinn Blues Rock e Amarillo Trece, nunha noite pensada para o gozo da música en directo nun ambiente festivo.
A segunda cita será o 16 de maio, a partir das 19:30 horas, cun cartel formado por Besbellos, Bushit e Ghostey, que completarán a programación musical desta iniciativa.
Desde a organización destacan o ambiente, o ritmo e o carácter participativo destas xornadas, pensadas para desfrutar da música en directo nun espazo aberto á veciñanza.