Sociedade

As familias interesadas poderán formalizar a inscrición ata o vindeiro 5 de xuño

O Concello de Paderne de Allariz mantén aberto o período de inscrición para participar no Campamento de Verán 2026, unha proposta dirixida á infancia e pensada para favorecer a conciliación das familias durante a época estival.

A actividade desenvolverase en horario de 10:00 a 13:30 horas e incluirá tamén un servizo adicional de apoio á conciliación, que funcionará desde as 08:00 ata as 14:30 horas.

Desde o consistorio lembran que as prazas son limitadas e que terán preferencia as persoas empadroadas no municipio, co obxectivo de atender en primeiro lugar á veciñanza local.

As inscricións poderán formalizarse ata o 5 de xuño a través do teléfono municipal 988 293 000.